夏日炎炎正好眠? 錯晒呀!錯晒呀! 雖然俗語係咁講,但係難得好天無理由唔出去行下架嘛。 夏天雖然係熱,但係夏天可以去游水同食雪糕喎! 係咪諗起都好正先? 適逢七月份係國際雪糕節既月份, 領展旗下既樂富商場就舉辦左一個名為「雪糕大滿灌Scoop and Slam」既活動, 提供到一個好玩又消暑既機會俾大家一齊去慶祝國際雪糕節! 實行玩到盡,食到盡! 小知識 :〈國際雪糕節來源〉 國際雪糕節起源於1984年, 當時在任既美國總統里根將每年既七月定為「雪糕月」, 又將七月既第三個星期日定為「全國雪糕日」(National Ice Cream Day) 而係尋日(7月9日), 我地就帶同小JM一齊去左樂富參加左「雪糕大滿灌Scoop and Slam」既優先體驗活動, 小JM玩到好開心,仲到成頭汗添! 現場仲推出左「十二道雪糕味」,其中買款仲係新口味添! 玩到熱,又有雪糕食小JM即時生猛返晒,叉足電又可以再玩過! (滿頭大汗,真係失禮晒!) 不如就等我地帶大家預先睇下場內既和項活動同影相位啦! 1.) 影相位介紹 (A)雪糕池 (左上、右下) 場內設有數個影相位俾大家去影相打卡 最吸引莫過於位於入口處既大影雪糕池。 池內設有多個雪糕球形咕????,顏色繽紛, 係一個唔錯既影相位。 溫馨提示: 想入內影相就要記得必須著襪呀! 要注意個人衛生呀嘛! (B)懷舊雪糕單車 (右上、左下) 場內有一部舊式單車,車身載有三枝甜筒, 懷舊得來又夠晒可愛, 又係另一個影相打卡點喔! (C)充氣雪糕甜筒架 雪糕架上放置左數枝巨型既充氣雪糕甜筒, 拎住來影相攪到自己都好似變左個小矮人添! 真係趣味十足! 溫馨提示: 就得玩完、影完相要將充氣甜筒放返去原位呀! 2.) 好玩遊戲、活動介紹 場內設有兩大遊戲區,岩晒大人同小朋友玩! 而且仲係以雪糕為主題,真係睇見到透心涼呀! (A) 奇趣跳「糕」機 講到明跳「糕」(高)機,就緊係玩跳高啦! 跳得越高就可以換領到越多既雪糕球數量。 呢個絕對係發揮彈跳力既絕佳活動! 係時候叫朋友幫忙啦! 快啲叫你地第邊高人一等又彈跳力驚人既朋友一齊參加, 齊齊食雪糕消暑啦! 呢個遊戲係每人有兩次機會既, 而持有Bouns Pass既仲會額外多一次機會添架! 星期六、日仲會有Double雪糕添呀! (B) 雪糕當入樽 -籃球九宮格 遊戲玩法好簡單,就似我地細個玩既井未過三關一樣, 唯一唔同既係,今次要用籃球入樽方式連成一線先會得到雪糕架! (可以係直線、斜線、橫線喔!) 呢個遊戲就緊係要搵個籃球技術了得既朋友仔出場, 係時候拎多幾球雪糕齊齊食! 呢個遊戲每局有五次射籃機會, 而持有Bouns Pass既仲會額外多五次機會添架! 呢個活動其實仲有Part 2添架, 就係「最佳射手MVP」! 只要係最短時期內丟中晒九個籃就有機會成為MVP, 仲可以贏取到HKD$3,000 購物現金劵添架! 快啲Mark低以下日子啦! MVP分左兩組: 超級巨星組(12歲以上) 29/7 、30/7 明日之星組(6-11歲) 5/8、6/8 (C) 親子工作坊 工作坊亦都係同雪糕雪條扯上關係, 所以今次會用到雪條棍做手功! 工作坊會教小朋友以雪條棍製作出不同既精品、小玩意, 岩晒靚爸同型媽們一齊同小朋友發揮創意,製作一個獨一無二既小精品。 溫馨提示: 工作坊每日名額只係得300個架咋, 如果想同小朋友去就要早少少,預返啲時間,以免滿額呀! 3.) 「十二道雪糕味」大激「嚐」 靚相完、玩又玩晒, 就緊係要抖一抖先可以再接再厲啦! 今次活動重點係雪糕,呢樣主角又點會缺少先得架。 現場設有雪糕車檔,俾大家玩完影完相就過來嘆返下。 話明「十二道雪糕味」就緊係有十二隻不同味道既雪糕俾大家揀啦, 當中有四款係首創添架。 分別有: 四款首創味道: 熊仔餅妙趣、蔗汁味、 五花茶味 、 凍檸茶少甜味 蛋撻味、馬騮搣味、Wasabi味、桂圓紅棗味、 話梅味、蕃薯糖水味、70%朱古力、海鹽焦糖味 而今次我地就試左其中兩隻味道, 分別係:凍檸茶少甜味、桂圓紅棗味 有雪糕食即時唔同晒, 問小JM想食邊一杯,小JM就話想食爸爸個杯凍檸茶少甜味雪糕! 仲要食到停唔到, 由原先唔願意自己落地企都即時乖乖企定定食雪糕, 小JM仲要好主動同爸爸講要自己「不」雪糕添! 雖然小JM食左爸爸既雪糕, 但小JM都好識做架,都會間唔時「不」返幾啖俾爸爸食下架! 你話試問咁又點嬲得佢落呢~ 真係俾晒佢食又點話呀。 爸爸個杯食完,就緊係試食埋媽媽手上個杯啦, 媽媽我食既係桂圓紅棗味,味道都幾清甜,好似飲緊冰凍既紅棗茶咁呀! 原先媽媽係想同小JM來個合照架, 不過就似乎杯雪糕仲吸引過合照, 小JM視線一直都離唔開杯雪糕! 睇完介紹係咪你都好想去玩埋一份呢? 係既話就快啲約齊成班活力十足既朋友一齊去玩啦! 雪糕大滿灌活動資料: 領展樂富廣場 - 雪糕大滿灌 Scoop and Slam 活動日期:7月12日 至 8月27日 活動時間:中午12點 至 晚上 8點 地點:樂富廣場A區美食坊 ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ 歡迎追蹤 小JM 既Fanspage 「傑。斯與晴」: 如有任何查詢/合作,歡迎聯絡我同小JM 參與產品試用或者各樣活動 媽咪既Email係: sleepyceci@hotmail.com 小JM既Facebook Page: 傑。斯 與 晴 (Jolie Babe。小JM の 成長印記)