懷孕21週，終於等到第一次在公立醫院的產檢，一早起身早餐草草食個早餐後就衝去醫院，9:30準時到達~ 到達後首先在入口旁有張枱仔，上面會有一個膠盒，將預約紙放於膠盒內，然後就坐下等叫名； 大概等10分鐘左右，就聽到叫名去血壓站量血壓，量血壓果陣姑娘好快手地塞左幾本小冊子比我，然後除鞋度高磅重，再將當天早上收集好的小便拎出來驗(基本上姑娘是不會接觸你的裝小便的容器，要自已將試紙放入去，姑娘睇完沒有問題就可以掉，所以不要傻更更遞比姑娘)，驗好小便就等抽血，基本檢查完成後就可以找位置坐好等見醫生； 由於有小冊子睇，所以等的過程都不算太枯燥，約11點左右有位姑娘出來於大廳中央講解，一聽先知原來當日所有出席的媽媽都是第一次產檢，怪唔之得有咁多位坐，之前聽講過廣華做產檢好多人好多時沒有位坐，聽左10分鐘我就被叫名入房見醫生啦； 見醫生過程其實好快，問下你基本資料，有無食煙飲酒、長期病患、藥物敏感等等，然後就訓上床由姑娘用儀器聽BB心跳，醫生跟住入來模下胸及肚仔，產檢就完成。 跟住出去等登記站叫名預約下一次的產檢日子，如果媽媽們想揀時間，就需要預先在預約紙上空白位寫低想要的時間，而且廣華醫院亦講明覆診時間只可以揀上午，下午是留給其他檢查用。 留意返醫院門外有好多姐姐叫你填表入媽媽會，就算已經入左都可以再填拎小禮物，我就拎了一堆BB紗巾。 基本上這個產檢我早上9:30到達，約12:00離去，過程大概用左2.5小時，所以媽媽們最好食定早餐再帶多枝水去會比較好~