過時過節，或者係特別日子，有冇試過為送咩畀摯愛而煩惱呢？早前，我就為咗唔知送咩畀晴朗爸爸做生日禮物而大傷腦筋喇！一齊咗咁多年，真係咩嘢都送過晒啦！好難諗！結果去咗媽媽谷問下意見，集思廣益。得知有一間公司專造皮革用品，仲可以教人自己製作添！親手整禮物？好有意思呀！一於就朝住呢個方向進發啦！Handsbox位於荔枝角，由地鐵站步行至店舖大約三分鐘~ 我打算整番個銀包畀晴朗爸爸，但原來整一個銀包需時四小時或以上~ 放工後先到，咪即係要整到好夜？ 由於時間唔許可，晴朗爸爸嘅生日亦將至，所以決定由店員代為製作~ 冇得親手整係有啲可惜，不過我可以自訂款式同材料，務求要送一份啱晒晴朗爸爸心意嘅禮物呀！ 店舖提供多款銀包畀我參考，有大有小，有長形亦有標準size。男仕用嘅話，標準ok啦！ 揀好款之後，就要揀用料喇！ 嘩！好多款唔同顏色嘅皮革，睇到我有啲眼花繚亂。定一定神，不如就由晴朗爸爸平時喜愛嘅顏色入手啦！ 對於低調、平淡嘅人嚟講，啡色就啱晒喇！ 跟住就要揀字款，想個銀包獨一無二，梗係要刻埋字啦！ 老夫老妻，唔駛刻I Love You, Love Forever果啲喇！就咁刻我哋個名已經足夠~ XD 店員好好呀！即時壓印個效果畀我睇。唔錯喎！就用呢隻字款啦！ 接住落嚟要揀線嘅顏色~ 呢度超過30隻線色選擇，邊隻色可以襯到塊皮呀？ umm... 揀嚟揀去，結果都係揀番同皮差唔多嘅顏色，我覺得啲線冇咁顯現會適合晴朗爸爸啲呀！ 然後，要揀相片格嘅膠料~ 呢個係反光膠料~ 而呢款係磨沙料~ 最後，確認埋銀包放紙幣嘅格數就ok喇！ Handsbox除咗提供訂製服務，亦有DIY製作班，一人已經可以開班喇！課堂會由兩位全職專業導師任教。想約埋三五知己一齊上堂又得！每班最多15人，與好友共享手作樂趣，一定好好玩啫！ 課堂已包括材料、教學及工具借用，好齊全呀！ 皮革用品又點止銀包呀？產品種類繁多~ 鎖匙包 咭片套 證件套、八達通套 手袋 襟花 除以上產品外，佢哋仲有製作真皮牛皮製嘅背囊、旅行袋、斜揹袋、散銀包、電話套、iPad套、腰包、相機袋、公事包、皮箱、筆袋、皮帶、寵物頸圈、首飾等等，數之不盡。係咪突然間多咗好多送禮idea呢？ 舖頭細細，位於一個商場仔唔顯眼嘅角落。雖然係咁，但有心嘅自然會搵到上門，就好似我咁。好欣賞年青人有一鼓創業嘅熱誠，值得支持！ 我所揀選嘅款式同用料埋單$1180~ 期待完成品嘅時間好漫長，終於收到貨喇！ 梗係第一時間拆開嚟睇下啦！ 皮面光滑，手工精細，係我想要嘅嘢嚟呀！*o* 銀包格數同相片位都合符我嘅理想，好滿意！ 重頭戲係刻有我哋個名嘅相格呀！不過放咗相就睇唔到，啱晒內歛嘅晴朗爸爸啦！ 我訂嘅時候請店員幫忙將size比起原本嘅款改高身少少，尺寸都可以自訂，真係合晒我心意呀！ 唔講真係唔知，原來佢哋嘅DIY班係24小時開放㗎！自由預約時間上堂，好有彈性，啱晒繁忙嘅香港人啦！最鍾意佢哋係100% handmade，每一件產品都會依照不同客人嘅喜好同要求悉心設計。支持香港自家原創品牌！送禮嘅話，收到果個肯定開心啦！身為送果個，由揀材料至收到成品，全個過程都好滿意呀！大家如果都遇到送禮煩惱，不仿考慮親手整番個獨一無二兼且充滿愛心嘅皮革禮品啦！ Handsbox皮革學堂地址：荔枝角青山道588號永盛工業大廈地下23鋪電話：6037 4474網址：http://www.handsbox.comfacebook: https://www.facebook.com/handsbox FIND US on:      BLOGs: CONTACT US: