懶得入廚的我最愛飲湯,近期因為返工少咗煲湯,諗起之前煲的花生眉豆雞腳湯就好想分享,呢個湯材料簡單又易煲,適合初學煲湯的大家學習*^O^* 材料都好簡單: 花生眉豆約半碗至一碗仔 新鮮雞腳六隻($13) 豬(月展)約$10-$15(豬(月展)的肉比較軟熟,口感夠滑) 花菇三隻 先煲1.5公升的水,待滾後放花生和眉豆。 待水再滾後放雞腳和豬(月展),再滾後才放花菇,花菇可以令成煲湯變得更香更好味\(^o^)/ 驟眼看見有好多雞油和豬(月展)的肥膏出來,大家可以用匙羹撈起~~~ 前後花了約兩小時就完成,大家都可以試吓自己屋企煲架Y(^_^)Y