小JM越大，食既野就越來越講究， 人仔細細就已經會揀自己鐘意既野來食， 有時俾佢食既餅唔好食、唔岩食既話， 小JM食食下就會唔食，有時仲會曳到將唔食既野掉落地。 通常爸爸見到都會鬧，我都會。 因為任何玩食物同掉食物都係唔岩， 要慢慢開始教識小JM唔好浪費先得啦！   今日媽媽我真係得閒無事無野做， 無啦啦去超市買野個陣見到啲蛋糕粉， 所以就同爸爸講不如整蛋糕俾小JM食。   買蛋糕粉個陣仲俾小JM自己揀整咩蛋糕添， 不過小JM咪又係睇包裝而揀！哈哈！ 結果小JM係揀左斑蘭蛋糕。   用蛋糕粉係方便，但有一樣野唔好就係糖既分量無得預！ 所以有機會都想自己整再低糖啲既。   材料： 斑蘭蛋糕粉 一盒 雞蛋 三隻 無鹽牛油 三份一盒   工具：  六咐蛋糕模 一套 電動打蛋器 一套 湯匙 一隻 刮刀（如有）一把 碗 數隻     步驟： 1.）要預先將焗爐預熱至180度 2.）先取出雞蛋並打勻至起泡以備用（約2分鐘左右就夠架啦！）          3.）將斑蘭蛋糕粉加入蛋液中，再以攪拌器打勻，變成糊狀即可。（約7分鐘左右啦）          4.）加入已經攤好既室溫牛油          5.）加左牛油就轉用刮刀、湯匙或者用木棒攪勻 6.）完全攪勻之後就可以係預先準備好既蛋糕模搽上牛油，咁就無咁易痴實晒甩唔到模          7.）最後就係將蛋糕漿倒入模再放入焗爐         8.）以180度焗35-40分鐘就可以   小技巧：  想知蛋糕到底焗好未？ 其實用小竹籤插入蛋糕就得， 只要竹籤無黏住蛋糕糊就即係okay架啦。   終於出爐啦！ 嗯。個頂有少少好似over左添！ Btw，好彩都唔影響味道。 中間都好soft架。 我地仲帶左啲出去俾朋友仔一齊食添。   好好彩小JM都肯食， 唔會話好似出面買既麵包同蛋糕咁食少少就掉。     ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）