彤爸睇到蘋果報導話有間燒味店好好食... 咁近近地旺角我地就一於去睇下啦... 呢間就係叫齒留香 星期日既下午 ... 竟然要排隊... 不過都算快, 我地排左20分鐘倒啦!! 報導話最最好食既係叉燒同埋熏蹄 ... 有晒POSTER架... 我地買左好多野... 用黎做晚餐... 有好出名既叉燒 ... 叉燒 $90斤... 同老闆傾計時佢立即切左一片比我地食... 嘩... 真係好好味.. D肉好鬆, 而味道好好呀.. 同出面食果D係唔同架.. 因為老闆有秘方!!! 所以原本要左一條, 食左一片之後想要多半條... 但... 老闆唔肯切啦.. 因為話好食下次自己會諗起再黎買... 食晚飯時, C&C食左好多呀!!! 花綢豉油雞 呢隻豉油雞又係同出面果D豉油雞唔同.. 多左陣好香既花綢味!! 而且隻雞唔肥!!! 難怪我地一返到屋企, 彤彤立即找香味既來源啦... 重有熏蹄 ... 都係NO. 1 架... 老闆教雪凍D重好食... 係真架.... $80斤.. 我地買左一隻, 都只係 $40.. 我就最愛食熏蹄架啦.. 平時雪凍當電視小食都正!! 大家不防試下呀.. 雖然要排隊, 但都好快!! 彤爸話下次要去試燒鴨!!! 齒留香 係 旺角塘尾道22號地下 -------------------- 大家可以 like埋我地 facebook page 咁就可以緊貼我地架!! https://www.facebook.com/pages/CCML/541687029256695 CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby http://www.mybb.com.hk/home.php?mod=space&uid=10582&do=blog&view=me