生產第二步曲(聞笑氣…生產…開刀--八點半到凌晨三點半) 被推入產房時我天真到以為生得… 點知…原來係姑娘見我痛得濟…話俾我早啲入產房聞笑氣…聞笑氣都聞左幾個鐘(強烈建議忍到痛既媽媽唔好聞…因為聞到上癮唔想放手…兼且會暈暈地…聞太多都儲對BB唔好的)… 八點半開始聞笑氣…有時痛到忍唔住揸實老公隻手…係咁禁住佢…老公好好一直係隔離支持我…又安慰我…咪我真係頂唔到咁耐…我仲記得我不斷問姑娘:"我生得未呀?我好辛苦呀…我想痾呀" 姑娘每次都話…未得…個陣就真係痛到喊 中途仲要聞笑氣聞到無曬…要姑娘call 人送多支黎…當一中斷聞笑氣真係又痛番多左(誇張左添)但聞住真係舒服啲…未必係止痛既但會好想訓教就會慢慢忘記痛… 不過由三度開到十度過程都好耐…八點幾開到三度…十點幾開到六度…十二點先開到九度接近十度…基本上由八點幾開始每半個鐘我都會問一次生得未??姑娘幫我檢查左一次未得之後再叫醫生黎幫我睇…都係未生得…結果等到十二點幾醫生檢查完話我開到九度了佢話俾我生…我即刻鬆一口氣…點知醫生話要幫我打左血小板血液先…結果吊完血液已經接近一點………最後我開始嘗試生…但試左半個鐘…醫生話BB開始心跳慢…而且我開始出血…醫生話唔等要我即刻開刀……跟住就call 麻醉師過黎同我簽同意書…之後就即刻轉我過手術室……手術後醒番已經三點半了……醒番第一句就問"BB呢"醫生答我佢送左落兒科檢查…我先放心曬……再訓過…跟住就有人黎幫我轉過產後房了…… 其實生產過程真係好辛苦…但辛苦過後見到BB個下就真係咩都唔記得了……唯一係見證唔到佢出黎個下…不過最緊要BB 健康…一切都值得了