自加固以來，小JM既加固進程都算理想， 由初時母乳溝米糊，到食蔬菜粥，到而家食飯仔都一樣肯乖乖合作， 呢一點作為媽咪既的確好高興。   隨住小JM日漸成長， 所吸收及需要的營養會越來越多， 媽咪我亦為小JM準備左好多唔同既蔬果同肉類來配搭煮飯仔。   其實係加固初期個陣小JM同其他BB一樣都面對過同樣既問題 －－－「Bubu很辛苦」   試過開頭煮左 南瓜粥 同 甜薯粥 俾小JM， 但可能因為南瓜同甜薯既纖維較多， 所以令到小JM 便便既時候比較辛苦。   雖然小JM依然Keep住每日都有便便， 但眼見小JM便便個陣谷到面紅紅， 真係又想笑又擔心。   為左令小JM 便便去得舒服啲舒暢啲又無咁辛苦， 媽咪除左為小JM預備左媽媽牌、水同BB果汁之外， 最近仲買左 "乾乳酪" 俾Jolie試添！   當然，係俾小JM食之前，媽咪亦會為Jolie親身試食啦   媽咪試食後感： 第一啖係有啲酸酸地既能覺， 之後就開始有陣陣果味， 整體尚算唔錯！   而小JM呢？ 除左第一啖小JM覺得酸酸地有少少面容扭曲以外， 之後都有追住食，結果一次食左三、四粒。 （還好小JM鍾意食，呼，唔駛浪費 ）   （題外話： 點解小B們明知酸咪咪都會追住食咁得意既？ 真係好想知小JM食 Lemon會係咩樣）   見到小JM食左乾乳酪後便便舒暢晒，媽咪都即時放心晒。   乳酪對小B們有咩好處呀？ －    乳酪含有極高既營養價值，當中包括：蛋白質、脂肪、維生素等，        係人體發展必要既元素，正好提供到小B們所需要的營養，有助小B們發育。 －    乳酪可以幫助消化及吸收，令小B們更加容易汲取食物中既營養 －    乳酪有助保持腸道健康，因為乳酪當中含有乳酸菌，可以減低小B們出現肚瀉、脹氣及改善便便問題   溫馨提示：  雖然乳酪既好處真係好多， 但媽咪們都要小心，唔好俾小B食過量呀。 如果係第一次食，媽咪更加要留意一下小B有無過敏反應， 始終乳酪係乳製品之一，所以都要多加留意呀。   進食乳酪有咩要注意？ ＊    乳酪不能每日都食太多或過量，會影響腸道的正常運作及酸鹼度架！ ＊    飯後食乳酪會比飯前食更有益，可以幫助吸收及消化 ＊    進食乳酪之後都一樣要注意口腔衛生，要為小B清潔口腔，特別係已經出左牙仔既小B們，        因為如果長期進食後都無清潔既話，就會好易有爛牙仔架啦 ＊    乳酪不適宜加熱進食，因為加熱稀釋會令乳酸菌大流失，咁就大大減低左功效架啦！     為食小JM的確名不虛傳！             ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）