至於我地幾時同屋企人講，第一次我地喺照到心跳就即講咗。不過今次，我都好緊張，一直想瞞到3個月。但點知個幾月時，有日食飯，見到個南乳豬手，頂唔到陣味，就比老爺奶奶發現咗！唯有講埋比媽媽聽啦咁！（上一次我仲好食得好行得好正當，但今次一發現有咗，口味就開始變晒，又多咗見暈見攰） 咁樣，我就過咗第一孕期啦！亦都邁入咗第二孕期啦！第一孕期個口成日都有陣鐵味咁，咩胃口都無晒。心諗終於到第三個月，好D喇掛。點知都要等到第四個月先正常咁食得返野⋯⋯遲D再同大家SHARE啦。   希望自己可以趁寶寶出黎之前，過D更有趣既日子。（以前只係掛住返工放工好攰咁）同老公創造更多2人世界既回憶，發掘自己既愛好～打打BLOG咁，調整下自己心態做媽媽。 孕婦日日都要盡量令自己心情穩定，記住寶寶自己會為自己努力成長，擔心得多，對佢都無幫助。 我既生活準則就係開心同放鬆同休養生息。 要繼續做個快樂孕媽媽，好似未婚前會打扮靚靚咁，周圍行下玩下！   ❤關於懷孕時既生理狀況，真係好因人而異。禁忌習俗都會因為每個屋企同長輩有所不同。唔知大家對我既孕期飲食有無興趣？有既我可以再SHARE。 ❤推薦想有BB既人，可以DOWNLOAD 小月曆（女性日記）呢個APP黎記錄自己既CYCLE。對我黎講好準架！ 另外有咗既，可以DOWNLOAD 280天 呢個APP，佢每日都會UPDATE一下寶寶當時大多數既狀態。好得意架D公仔仲！     呢個就係第一篇正式講孕期既文章，希望我可以再勤力D⋯⋯未來再SHARE下懷孕既大小日記啦！我亦會繼續分享喺我身邊既美好事情比大家！希望大家一直可以陪住我，我又可以帶多D唔同既野比大家啦！ 延伸閱讀 【懷孕日記】My diary - I’m Pregnant！ 【懷孕日記】WHAT I ATE TODAY！桑 寄生 茶！加蛋真 好 味