仲有幾日就新年了, 今年因為在一月尾, 感覺時間好緊湊呀, 我還未開始蒸糕, 實在忙到不得了. 團年飯都已經有心水菜式了, 今年會簡單一點, 因為無咩時間準備嘛. 而今次寫這個食譜, 其實係上年新年煮的, 一直Keep住D相無寫(做媽媽真係忙到難以想像!!!), 趁新年前補番個食譜, 比大家多一個賀年菜參巧下. 材料: 大蝦 8-10隻 露筍 8-10條 甘筍 少許 白芝麻 一碗 雞蛋 一隻 XO醬/瑤柱醬 2湯匙 鹹蛋黃 2隻(切小粒) 醃料: 蠔油 1湯匙 糖 1茶匙 胡椒粉 少許 生粉 1茶匙 做法: - 蝦先去頭去殼, 然後在中間切開成雙飛狀, 再用刀背輕輕拍扁 - 加醃料醃半小時左右 - 醃好後, 加入雞蛋拌勻 - 攤平蝦, 把露筍, 甘筍和少許XO醬/瑤柱醬放在蝦上, 然後小心捲起 - 把蝦卷小心均勻地滾上芝麻 - 以中慢火慢慢煎熟和兩邊金黃, 取出. - 鹹蛋粒以慢火炒至起泡 - 倒入蝦卷兜勻和平均沾上鹹蛋黃 - 最後在芝麻蝦卷上鋪少許XO醬/瑤柱絲, 即可趁熱食. 小貼士: - 選大隻一點的蝦較好, 新年前市面上有很多大的雪藏虎蝦, 花竹蝦等出售, 都是很好的選擇. - 煎蝦時一定要慢火, 因芝麻很易燶. 先煎好一面再返轉, 以免芝麻掉落影響外觀. - 鹹蛋要慢火炒至起泡, 才能變得creamy和迫出香味. 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤