婆婆新曆生日, 今年搞搞新意思不如食個Brunch作為慶祝. 想起一年前食過Ava Restaurant slash bar既lunch semi-buffet印象幾好, 今次就不如試一試佢既weekend brunch啦. 陶寶B每次搭呢啲睇到風景既電梯都會無限興奮 (其實莎拉細個時都係一樣) 係香港想搵個價錢唔太貴又有維港靚海景既餐廳真係唔容易, 而Ava Brunch既價錢係$398 (成人)及$278 (小童及長者), 而download 酒店既餐飲apps (the rhombus dinning aps), 成人價錢就有40%off(即係$238/成人), 真係好抵食.  訂位時要求窗口位, 而餐廳都安排到.  對住個維港食Brunch真係食都食得開心啲. 睇吓個Menu先, 有牛, 有pasta, 有魚揀, 一定有一款啱食, 點好菜就出去攞前菜食啦. 雖然地方細細, 但有多款Salad又有各種芝士, cold cut及煙三文魚. 仲有一個小小既甜品corner, 少少地都唔錯. 陶寶B去到一眼就係被甜品吸引咗先, 其他既咩都見唔到. 食了兩轉頭盤之後都已經飽飽地了. 之後送上一款海鮮凍頭盤及一款熱既頭盤, 凍既頭盤就係有即開生蠔及長腳蟹.  而熱盤就係炸生蠔及蟹肉沙律. 熱及凍頭盤各有千秋, 但即開生蠔就係絕對新鮮既.  之後就有前菜煎鵝肝, 莎拉唔係太好鵝肝, 但味道唔係好滯, 小小地一人一小舊份量剛剛好.  之後就送上一人一個主菜了, 陶寶b就係pasta. 而莎拉就係魚, 而謝菲及婆婆就係食牛. 查實係呢個moment, 未食主菜都已經飽了6-7成了. 陶寶b個pasta係vegetarian, 不過cheese味好香濃, 都好食呢. 而謝菲既牛扒就係隱震之作.  至於莎拉既魚就真係失望了, 因為order是沒有細心睇點樣整, 出到嚟先知係薯蓉加魚一齊焗, 同想像中既有出入呢.  今日呢餐主要係同婆婆慶生, 所以餐廳就擺好一碟滿滿的甜品, 加埋生日牌同蠟燭, 可以由陶寶b唱生日歌了.  有維港美景加埋同家人一齊食呢一餐好飽既brunch, 真係大滿足呀.