話說去日本四國其實得風景山水+漫活生活態度放鬆自己。不過想來想去總有點唔對路，因為實在太唔challenging喇! 所以我地計劃有一天會揸車上接近廣島的大久野島探兔仔。 早上7時半出發, 由今治揸車上大三島乘船需要大約45分鐘。沿途風景感覺就像青馬大橋上行駛, 橋好長好長。 到達大三島碼頭, 等待9.05AM的船去大久野島。 等船時自娛一番 票務處有兔糧售賣, 放低100yen就可以拎一包走。 *溫馨提示, 如果你預左餵兔仔的話, 最好自備兔糧, 因為好快就會分晒俾可愛既兔兔架喇! 有船喇!   船程約15分鐘好快就到。落島一行出黎就會見到好多好多好多兔兔架喇! 不過, 先唔好心急, 建議搭乘酒店專車入酒店範圍, 果到仲多兔兔架!   兔, 全部都係兔, 全部都係兔, 全部都係兔….. 一拎包兔糧出黎, 兔兔就好醒自動走埋你身邊要你餵佢係.. 肥仔見到兔兔兩眼發光 大久野島是日本瀨戶內海藝予群島的其中一個島，位於廣島縣竹原市忠海町離岸約3公里的地方，二戰期間，這裡其實恐怖得很！由於地理環境方便軍隊匿藏。因此該島被選中作為日軍生產化學武器的實驗基地，並且人為地將這“毒氣島”  從地圖上抹去蹤影，戰爭結束後，大久野島被棄，成了荒涼的“無人島” 由於島上溫暖舒適而且沒有天敵，因此兔兔們安心地在此哺育出了龐大的兔子家族。時至今日，已經有數百只兔兔在這裡棲息。 除左餵兔兔, 成個島都好多影相位, 一定要周圍行下睇下! 我地玩左大約3個幾鐘就搭船離開了。好感恩去到兔兔島天氣開始轉好, 冇落雨唔凍。 有機會再同小肥黎過! PS: 請大家要好好對待兔兔, 兔兔好熱血會跑到你面前搵食, 但就比較怕人摸，耳仔部份敏感千祈唔好稱佢地耳仔。   更多小肥趣事: 小肥子星球 Facebook Page 小肥子星球 Instagram 小肥媽個人網誌 Mamibuy 駐站部落客 she.com blogger 以上純屬個人意見，僅供參考。 如有任何關於親子產品試用/合作，歡迎聯絡我: koenplanet@gmail.com