又到聖誕喔, 呢個節日既氣氛係整年最好的, 無論大人小朋友都會特別開心. 而今年陶寶B已經K2, 可以自己寫名字, 所以今年既聖誕卡將會全部由陶寶B親手寫上自己既名. 12張既卡一張張用心去寫, 由上年唔識寫字, 但今年已經可以自己寫了, 原來您又偷偷地長大了. 用了差不多大半個鍾去晒, 終於完成了, Yeah!!!!(呢個笑容明顯係好勉強, 好假呢) 聖誕卡就準備好了, 下一環節就係聖誕曲奇了, 食譜一直用呢個"Little chef簡易曲奇", 小朋友都可以幫手一齊做, 呢啲轆麵團既工序就玩得最開心. 不過小朋友唔夠快手, 麵團好快就又會軟了, 之後又要再雪返硬呢. 莎拉唔識整其他款式, 來來去去都只識唧呢幾種款式咋, 收住貨先啦. 曲奇出爐後就諗住叫陶寶B幫手做包裝工人啦, 點知轉頭就見到佢自己食緊了, 好彩發現得早, 如果唔係分分鍾成盤俾佢KO呀. 一切準備好了, 明天可以送俾同學仔, 老師及朋友仔了. 聖誕曲奇加埋個包裝仔, 真係好有聖誕氣氛, 希望收到既各位朋友仔都鐘意呢. >【看更多媽咪分享親子DIY】<