餵夜奶絕對係令人難忘既回憶！半夜三更起床開奶，點樣先可以快！靚！正！？ 我會選用兩個好幫手： 1） 奶粉格：通常出街既時候，好多媽媽都會用奶粉格盛載奶粉。但係我連係屋企都會用，一有時間就會分好兩三餐奶粉，到要開奶既時候，倒晒一格既奶粉落奶樽到就的，唔洗慢慢一匙一匙甘加奶粉。呢個方法仲可以避免你係頭腦未清醒既時候，加錯奶粉數量（有時落下落下，會唔計得落左幾多奶粉@@）。 2）保溫瓶：都係通常人地出街先用，而我係屋企都用，特別開夜奶既時期。瞓教前入好適合開奶水溫既水。通常保溫瓶最小有2-4小時既保溫能力，以初生嬰兒每3-4小時飲一次奶來計，當飲完一餐奶再加水，水溫都足夠保持至下一餐奶。甘做可以防止唔同人開既水溫唔同，同埋唔洗慢慢試水溫，直接倒落奶樽就得，最岩開夜奶既時候用 ：） 所以小波波初生既時候，我習慣瞓之前準備好半夜餐奶既用品係房，保溫瓶、奶粉格同埋奶樽。甘樣夠鐘飲奶，就唔洗行出廳，可以係房搞掂晒 ：） 大家都可以試下上述呢兩個好幫手 ：）   *當然母乳是最好的，所以大家支持餵母乳。