其實我係點樣發現有左細細B,之後其實我仲一直親餵加泵奶 但唔知幾時開始有一日我乳頭開始痛,但係小羊羊又冇咬損我 我就驚啦 會唔會係細菌感染呢?即刻去約見QE母乳姑娘啦 姑娘檢查左我乳頭又發現唔係細菌感染WO 同佢傾傾下 佢就懷疑我懷孕BINGO左,一驗之下真係懷有細細B 點解我會咁懵查查呢,因為自從生左小羊羊後我只係尼左1次M(小羊羊15M) 即係話我尼緊果10個月又唔使尼M啦 哈哈 咁我知道懷有細細B之後即刻問母乳姑娘啦 可唔可以繼續餵人奶 ?? 姑娘話係 : 可 以 既 !!! 我即刻放下心頭大石。 但姑娘話懷有第二胎會少左奶,同埋d奶會遷就返細細b,優先供給胎兒 同埋荷爾蒙分泌唔同左,即係會變味,可能小羊羊都會因為咁而唔食嚕。 姑娘話如果餵既時候無扯住痛(宮縮)、流啡/紅就可以繼續餵。 我自己上網都睇過少少外國網站 http://www.babycenter.com/404_is-it-safe-to-breastfeed-during-pregnancy_8935.bc 大家search nursing during pregnancy 或者 breastfeeding in tandem 都會發覺係講對懷孕都係沒有問題 但好景不常,我退奶退得好快,每日揼到只有5安,唔夠小羊羊1餐 小羊羊15m我正式掛揼