在不少名人的推薦下，不少孕媽都開始飲滴雞精(又稱「燉雞汁」)，市面上更出現各大牌子嘅滴雞精，但動輒就過百元或過千元。滴雞精從懷孕初期就可以開始喝，九個月後不止孕婦體質好，就胎兒都會大隻啲！所以，我就開始研究一下如何才可以既簡單又慳錢咁自己燉滴雞精，結果其實一啲都唔難喎！ 滴雞精的原理： 基本上就是將一隻完整的雞或在一個完全不加水的情況下用鍋蒸煮過後所滴出來的精華就是滴雞精。 準備材料： 1. 凍鮮雞一隻：普通街市買到，用烏雞會更鮮味，脂肪更少。 2. 藥材：枸杞、紅棗、干貝等少量，但因為中醫講過我是熱底，所以暫時未試過加任何藥材去燉。 步驟如下： 因為家中的大鍋不是玻璃面，看不到裡面，所以我每隔45分鐘加約100ml清水，以免乾水。另外，雞放在細碗上會較易清洗，細碗內記住不要加水。 烏雞版 – 記住雞放細碗上，會較易清洗，細碗內不要加水。 喝法： 一隻雞可滴出兩碗雞精，為免補得太快，我將一隻雞分四份，每日燉一份飲。亦可於每天早上「空腹」服用。 感想： 燉出黎的雞精其實非常鮮美，絕對沒白X氏雞精嗰種腥味。每隻雞約$38-40元，再分四日去飲，計一計其實每日只係$10度，田X香一包60cc裝 20包一盒賣你HKD 890，嘩平幾多！我計過燉到小白白足月都只係$500元內 (當然，你都可以每次燉足一隻雞，分兩日飲)。自家整滴雞精唯一個缺點就是每天有好好好多柴過柴皮嘅雞肉剩返，如果食得落可以加少少柚子醋撈黎食，咁就無咁浪費。不過講真，食兩日就會想食架喇，但就算丟咗都抵過去買現成嘅！ 【Main Blog: https://educatemybaby.com/】 (電郵：nataliepuipui@gmail.com) (Facebook: nataliepuipui) (微博： NatalieUn) (Instagram: @natalie_cyp)