隨著小JM慢慢長大， 開始對身邊既事物越來越感興趣同好奇， 而作為爸B同媽咪既我地，亦都要或多或少抽啲時間出來陪伴一下小JM， 去同小JM "互動" 一下。 香港大多數家庭都係「雙職父母」，日頭返工，夜晚顧家湊小朋友 正正因為呢種忙碌既生活方式， 有時候反而會令人減少左同小朋友既相處時間 甚至有時仲會忙到邊做野邊同小朋友玩， 無俾到足夠既「注意力」同「關注」俾小朋友。 小朋友各個成長既magic moment轉眼就過， 錯過左既話就好難追得返架啦， 所以真係要奉獻大家要好好珍惜同小朋友既相處時間， 咁樣小朋友就自然會身心健康咁成長啦！～＾＾～ 其實每日只要花10-15分鐘去同小朋友相處， 去同小朋友玩下，傾下，溝通下，就自自然然可以提升到親子關係， 咁又何樂而不為呢？ 只要你同小朋友玩個陣係全心全意，全情投入既話， 小朋友一定會接收到你對佢既愛架！ JM爸如果唔駛OT既話有時都會幫小JM沖涼， 一來可以同小JM互動一下， 二來又可以減輕我既工作量， 真係一舉兩得。。。 你地睇。。。地表最強小三就係咁練成架啦 我只係負責影相。。。 叫極小JM都唔理我 兩個完全進入左「忘我」境界 「忘我」＝忘記左我！ 好彩我都唔執輸， 都有同小JM玩Peekaboo   你睇小JM幾鬼馬。。。學人伸脷添 見到小JM笑得咁開心，其實幾辛苦都值得既！   繼續看： 【80後媽媽】只有全職媽媽才懂的事 - 媽媽没有生病的權利 【自言自魚ShallRiceTalk】[育兒]全職媽媽- 給我選再一次，還是值得 【專家分享】何謂優質親子時間？ >>> 看更多媽咪分享育兒感想 <<< ==================== ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）