依家好多地方都有長洲糯米糍賣，不過價錢唔平，次次買俾屋企人食，都要＄100落樓！ 作為精明主婦，決定自家糯米糍自己整，幫屋企慳DD啦！ D糯米糍有手掌咁大ga!!!絕對足料!!!  【食譜】長洲糯米糍 － 芒果篇（大約做到7個）   材料 芒果 2個 糯米粉 100g 粟粉 30g 椰漿 100ml 牛奶 160ml 糖 60g 菜油 2湯匙   裝飾用 糯米粉 40g   做法 1. 除左芒果，將所有材料混合至無顆粒 2. 碟中塗一層菜油後，將粉漿倒入 3. 開大火，水滾後將碟及裝飾用的糯米粉，放入鍋中蒸30分鐘 4. 蒸好取出後，翻動糯米團 5. 將糯米團放入另一碗中，加快放涼速度 6. 糯米團放涼後，放入雪櫃雪 1 小時 7. 接著進行切芒果   7. 取出雪凍糯米糍，分為7份左右，每份約55 －60g 8. 將其中一份糯米團放在保鮮紙上，再蓋上一層保鮮紙 9. 利用麵粉棍碌成手掌大的長條形糯米塊 10. 放芒果肉於糯米塊上 11. 將邊位包實，之後再塑造長方形狀 12. 沾上裝飾用的熟糯米粉就完成啦   -------------- Smart Tips ~~ 牛奶建議用全脂奶，味道會比較濃郁 ~~ 包糯米糍時必須帶手套 ~~ 餡料換成榴槤乜乜乜都可以 ＾＾   ============== >>> 看更多媽咪食譜分享 ============== >>> 看更多甜品做法分享 ==============