我哋今日又係發掘吓未去過既農場, 最後決定咗去河背水塘的「YMCA青協農場」 話說本來我哋都唔打算去咁遠,我哋3點book咗屏出圖畫館舉辦的一個皮影戲表演, 所以係度諗之前可以去邊度玩吓, 嚟個短TRIP 於是打算去上次去過的農場鮮奶有限公司, 因為上次媽咪未去過, 跟住就去到泰衡街準備搭72號小巴入去, 但係媽咪唔介意自己未去過, 想我諗吓會唔會有多個地方可以去, 本來諗住去尖鼻咀個有機農莊, 但係打電話去, 同埋網上睇個blog, 都話執咗笠, 於是我就睇吓前面個小巴站71號有咩地方去啦! 跟住諗起有個農場係河背水塘個邊叫青協農場, 於是打去問吓有咩玩, 駛唔駛book, 於是佢話乜都唔駛, 咁就去吓啦, 於是上咗71號小巴, 去到總站, 大約30分鐘, 芊芊係小巴喊到死, 唔知佢做咩! 可能架車轉彎轉到佢好辛苦, 最後終於落車, 原來我以前都嚟過, 一落車有間破舊學校, 我哋入咗去影咗幾張相, 俾Hysan睇吓以前既學校係點 Shutter Speed | 1/400 s Aperture | f/4.0 ISO/Film | 100 跟住向左行上山, 起初農場職員話行大約20分鐘就會到, 但係唔係囉, 我哋慢慢行, 都行咗40分鐘度! 不過當行吓山, 係有少少辛苦, 當你行咗15分鐘度就會見到分岔路, 有個帆布banner仔話你知要轉左, 跟住一路行, 行到好高, 以為自己行錯路, 然後見到個BBQ場, 個度可以停一停, 行去條穚仔度睇吓瀑布影番張相, 之後再見到有個牌仔一直上...... Shutter Speed | 1/200 s Aperture | f/2.8 ISO/Film | 100 終於到啦! 一個人都冇, 當時12點幾, 可能太早, 因為多數人都係在另一邊行完成個河背水塘落山先經過呢個農場休息吓! 呢度冇咩特別, 除咗農田之外, 只有一個池塘仔, 有魚仔同龜仔! 呢度最好係個小買部係室內的有冷氣, 可以坐低係裡面抖抖, 最特別係見到有仙人掌汁$25杯, 其餘的洛神花茶, 木瓜雪耳等, 價錢都差唔多, 熟食就冇, 有D乾果SNACK買, 同埋如果要買有機菜, 同佢落單, 佢會叫農夫幫你擇, 我哋就要求有小朋友想俾佢去擇吓, 佢哋都OK! 不過真係HEAHEA地囉, 擇錯幾次疏菜俾我哋, 我哋要菜心, 佢一開始就俾白菜我, 之後又俾芥菜我, 我覺得青協呢D機構都係冇咁pro, 太商業化, 所以可能農夫都唔係真係農夫 Shutter Speed | 1/800 s Aperture | f/3.2 ISO/Film | 100 Shutter Speed | 1/100 s Aperture | f/1.8 ISO/Film | 400 這是香蕉的花朵呀! 農夫話可以用嚟煲粥 Camera | CANON 5D Mark III Len | EF 35mm f/1.4L USM 呀劍評分: 5分 呀劍評語: 整體嚟講, 要搭半粒鐘小巴再行大約半粒鐘, 嚟一個咁既農場, 就可以慳番唔駛去啦! 佢只適合你本身行開個水塘, 跟住回程個陣入去嘆杯茶休息吓就OK囉 香港青年協會有機農莊簡介 農莊佔地約13,500平方米,設施齊備,包括:有機菜田、大型有機種植棚、四季花圃、示範田、熱情果棚長廊、魚池、堆肥池、再生環保能源 、洗手間、停車場等,接待名額最高可達200人。 地址 香港新界元朗八鄉河背水塘家樂徑1號 交通 在元朗泰衡街乘小巴71至總站河背村村公所落車,轉左行上山,沿路有指示 電話 2838 4808 網址 organicfarm.hkfyg.org.hk/ (以上資料更新至文章當日) ============ >>>看更多親子好去處文章 ============ Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk