今日我哋嚟到錦田鄉村俱樂部玩,如果唔係有咗Hysan, 我哋住咗係元朗6年都冇話諗住要嚟呢個地方   呢度係免費入場,只係裡面每樣嘢都收錢, 一入到門口右手邊會見到小賣部,都係賣吓咖喱魚蛋,燒賣腸仔咁! 之後再行入去轉右就撈金魚,轉左就見到呢個得意動物un un車! 我都係第一次見呢種車,好攪笑,要靠自己un吓un吓先知會識行! 之後我哋再行入去餵動物, 呢度有羊,有兔仔同埋倉鼠, 起初Hysan唔敢餵, 跟住慢慢適應     餵到動物唔so佢之後, 我哋就開始去摘士多啤梨啦 摘士多啤梨算係嚟呢度嘅其中一樣主打活動   起初以為Hysan太細個未識剪，驚佢會剪親手仔，但係佢一剪起上嚟都好似剪得好熟手咁         呢張擺粒士多啤梨喺頭上面嘅招牌相我好鍾意! 成個感覺好似架仔咁！       Photo by CANON 5D Mark III, Len | EF 35mm f/1.4L USM     呀劍評分: 8分 呀劍評語: 第1次嚟, 有動物, 有嘢玩, 有得跑, 有得食! 又易去, 好似發現咗個寶藏咁!   錦田鄉村俱樂部簡介 錦田鄉村俱樂部是一個集多項遊樂設施的超大型戶外場地。位於錦田水頭村的錦田鄉村俱樂部佔地100萬平方尺，設有一個全港最大、可容納2000多人的全天候天幕燒烤場。還有親親大自然的釣魚場、有機農莊、兔仔樂園，尤其適合親子樂；若要動感一點，錦田鄉村俱樂部亦War Game場，射箭場及康體活動場地等。附近的「有機士多啤梨自摘園」更是不能錯過。錦田鄉村俱樂部有玩不完的設施；超廣闊的大草地，除了可欣賞一望無際的怡人景色外，最適合放風箏及進行各項親子活動，亦可以攜帶寵物入場。 「有機士多啤梨自摘園」是免費入場的，只是摘來的士多啤梨會以重量收費，遊人要將摘下來的士多啤梨到收銀處付錢後，才可以即場品嚐。    地址 新界錦田水頭村 684 地段109 開放時間 星期一至五 10:00-6:00pm 星期六日假期 10:00-10:00pm 費用 免費入場, 場內設施個別收費   交通 -西鐵錦上路站C出口轉乘的士 -601特別線 (假日) 綠頂小巴 -18號 紅頂小巴/64K 巴士, 錦田蒙養小學下車、然後在蒙養小學路口步行入內、沿途經過紅綠燈、便會見到斜路開始起有彩色旗仔、沿途跟著旗仔直入約15分鐘 電話 2442 0909   www.YL.hk/ktcc (以上資料更新至文章當日)   ==================== >>> 看更多親子好去處文章 ====================     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk