今日係我同Hysan第一次去貝澳玩, 因為妹妹仲細, 同埋都幾遠, 所以媽咪同妹妹留係屋企, 因為今次有朋友呀古一家車埋我哋去, 所以我同Hysan兩父子自己出發! 呢個海灘俾我個感覺好闊好大, 沙灘好平伏, 水平線角度已經睇到浪邊! 我哋先搵咗個地方安頓先, 然後小朋友已經好快咁拎出所有玩沙工具出嚟! 我就拎住相機跟住佢哋周圍走 呢個仔其實一路而嚟都好驚水, 唔知係咪因為第1次玩水我就帶佢去海灘所以嚇親佢, 依家一掂水, 去深少少既水位已經叫哂救命! 所以佢只係去吓水邊打水 呀古2個仔就一D都唔驚, 成盆水淋落去個頭都得 呢度好多人掘蜆所以周圍都有好多個窿, 我哋搵咗個大窿就係度繼續玩! 我掘唔到蜆, 因為又拎住相機又要睇住佢 個浪大少少沖咗落佢個頭度, 即刻喊!! 最後可能見到佢哋兩兄弟都玩得咁開心, 所以佢都夠膽坐落去D水度, 越玩就越唔驚 最後攪到成面泥仲好開心, 我諗佢開始克服到啦, 經歷讓他成長了!! Photo by CANON 5D Mark III, Len | EF 35mm f/1.4L USM 呀劍評分: 8分 呀劍評語: 因為個灘幾乾淨所以加分! 雖然我哋冇掘蜆, 只係玩沙, 除咗呢度比較遠少少之外, 其實都幾好玩, 唔迫, 地方夠大! 呀劍貼士: 記住做好防曬措施, 唔單止係怕係海灘玩會曬傷, 更係為咗排隊等巴士個陣曬親! 大嶼山貝澳簡介 位於大嶼山南部的貝澳,最適合初滑浪學者來試水,在夏天遊客總是絡繹不絕。沙灘附近設有多間異國風情的餐廳,外國人比本地人多,令你有置身於外地的感覺。海灣更提供了不同的水上活動,如滑浪板、獨木舟等。沙灘上有水上活動小店、更衣室及沖身處,更有政府提供的免費營地及公眾燒烤場地,共有52個營位,而且是看日落日出及星星的好地方。遊客更可帶備相機,拍攝雀鳥生態。 潮夕預報 http://www.hko.gov.hk/tide/cstation_select.htm 交通 東涌港鐵站轉乘大巴 大巴 - 3M, 3R 計程車 - Call台 2984 1368/2984 1328 (如果假日都可以唔駛諗可以Call到或截到) (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk >>>看更多【親子好去處】文章<<<