天氣涼涼地, 就對所有"燒物"產生濃郁既興趣, 之前見到屋企附近既食品店有出售日本的安格斯牛粒, 一粒粒雪花分佈得幾靚幾平均, 睇落唔錯, 價錢又唔貴喎(八十幾蚊有一磅), 一於買來試下做安格斯牛串燒, 加入不同的蔬菜, 感覺又無咁肥, 食得又滿足.  材料好隨意, 喜歡用邊種蔬菜都可以, 最好就選色彩繽紛一點的, 今次我揀了比較少人用的秋葵, 這種很有益的蔬菜, 有降血糖, 血脂, 抗氧化作用外,亦好適合生產完既女士食, 因秋葵含有大量鈣質和鉀質, 聽聞比牛奶更易吸收. 但秋葵的黏液未必人人能接受, 要吃得有益又好味的秘訣在於以高温炒或燒, 令黏液凝固, 口感就不會滑潺潺, 更易入口.  材料:  急凍安格斯牛粒    約半磅 三色椒                   各半隻 蘑菇                       4-5顆(切一半)  薯仔                       1個 (先焗至軟身) 秋葵                       4-5條 安格斯牛粒醃料:  黑醋, 岩鹽, 黑椒, 迷迭香, 歐芹各適量 汁料:  日式照燒汁 (掃面用) 少許   - 安格斯牛粒先用醃料稍醃半小時 用乾的香草比較方面, 味道也更香濃 - 其他蔬果切成小塊, 薯仔先放焗爐焗15-20分鐘至軟身, 然後用竹纖相間串起牛粒和各款疏菜. - 焗爐底部方鐵架盛起, 放上串燒, 以200度焗10分鐘, 取出掃上照燒汁再焗5分鐘即成. 超簡單既食法, 但賣相很精美, 用來作派對小食都很適合呀, 最重要是蔬菜多, 吃多幾串也不用怕肥啦~ 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Pixnet❤ ❤Beauty Exchange❤ ❤Esdlife❤ ❤OpenRice❤ ❤博勢力❤ ❤mamibuy ❤