Keicy 一知道成日周身郁、冇時停嘅野原新之助同學…… 即係蠟筆小新嚟咗香港,就即刻約埋 YiuB 去荃灣廣場搵佢影張相. 去到先知原來佢屋企人、同學仔都嚟咗, 咁……就一齊玩得開心啲啦! 嘻嘻! 雙葉幼稚園部粉紅色校巴, 好得意呀! 即刻入「駕駛室」同小新+同學仔影相先! 呢啲「貓爪」會唔知邊度突襲, 好在 YiuB 同 Keicy反應快, 即刻動感超人上身, 嚟個「動感跳躍」, 成功避開咗! 好大隻大笨象呀! 雖然小新好鍾意大笨象, 但係 YiuB 同 Keicy 就更鍾意喺高3.5米嘅瀡滑梯, 直衝落波波池! Yeah! 本來 Keicy 話想同我一齊鑽入巨型滾球, 挑戰體能同平衡力, 喺凹凸不平嘅地面前進, 可惜媽媽今日冇著高叉泳裝嚟, 下次再玩過啦! :p 小新拍過電影, 所以有好多造型, 全部都好得意呀! 喺歐美盛行嘅平衡單車運動, 原來呢度都有得玩呀! Keicy 身高係 80cm–130cm, 可以免費試玩. 佢第一次做小騎士成績唔錯, 攞第3名. 仲叫埋 YiuB 一齊上台攞獎! ^^ 而第1名係小新, 第2係小白...... 小新父母同妹妹都嚟打氣呀! XDDDDDD 呢啲咁靚嘅別注版蠟筆小新禮品, 好想要吧? 有輕便速乾運動毛巾、別緻折疊式旅行袋等等…… 即日起至8月31日, 憑指定消費及或會員積分, 就可以換返屋企喇! 詳情請參閱荃灣廣場《蠟筆小新Summer Challenge》之優惠公告. FB: KeicyKK