玩完華納滿Fun童樂園，扶手電梯一落就係鼎泰豐，一於貢入去祭下個五臟廟囉！ 個肚打晒鼓喇！快啲入去啦！~ 首先上枱嘅係餐前小食 - 木耳烤夫~ 酸酸哋又爽口，好開胃！ 唔錯唔錯！小朋友都要開開胃~ 跟住嚟個豬扒炒飯，豬扒煎得幾香，炒飯好足料。今次應該唔駛再爭啲炒蛋食喇啩！XD 食上海菜必定會點小籠包，呢度整得皮薄肉嫩，夾起嘅時候唔易穿底。成隻放入口強烈感受到入面滿滿嘅肉湯，趁熱食超正呀！ 紅燒牛肉麵 - 牛肉炆得淋，湯底又夠味，有水準！ 適逢父親節，呢餐就當係慶祝，快啲親親爸爸啦！ 最後嚟一碗紅油抄手，啱晒鍾意食辣嘅我哋啦！個汁辣得嚟甜甜哋，調較得洽到好處，好好味！ 餐廳除咗提供兒童餐具外，職員見小朋友睇電話睇得辛苦，專誠遞上一個電話座，太細心喇！*o* 埋單後，仲放咗一個牌在枱上作溫馨提示，好窩心！ 以前都幫襯過台灣同香港嘅鼎泰豐，一向感覺都唔錯！但講到服務最好，就真係非呢間莫屬。一間食店除咗食物質素好，服務都好緊要㗎！Service好先會有回頭客。今次揀鼎泰豐係因為知道佢哋食物ok，又近playhouse，冇諗過呢間啲服務好到超晒班。竟然會留意到我哋都冇為意嘅需要，簡直有種賓至如歸嘅感覺呀！出示新濠會咭可享折扣優惠，打算去呢度開飯嘅朋友就記得帶定會員咭響身喇！    鼎 泰 豐  地址：澳門路氹連貫公路新濠影匯1樓1075號舖 電話：(853) 8865 3305 返回澳門新濠影滙之旅：http://blog.xuite.net/chinglongtin/blog/426733195