聽聞呢間buffet響澳門響噹噹，一於嚟試下係咪真係咁架勢先！ 由銀河酒店正門開始計，步行約3-5分鐘，終於到達餐廳~ 餐廳面積好大~ 我哋被安排坐卡位，自成一角，梳化位又舒適，唔錯唔錯！以下落嚟！等我介紹一下啲美食啦！~ 海鮮類： 開邊龍蝦仔好新鮮呀！我見晴朗爸爸攞完一隻又一隻~ XD 冷盤類： 壽司/刺身類： 壽司款式都算多，啱晒喜愛sushi嘅晴朗啦！ 呢款係日式鐵板燒龍蝦，Oishi呢~ 印度咖喱類： 呢味印度咖喱煮龍蝦條人龍好長，排咗好耐呀！@@''' 個咖喱汁真係好正！配埋爽口彈牙嘅龍蝦仔，果然係好味，唔怪之得咁長龍啦！排咁耐都值得~ 熱盤： 豆豉蒜蓉燒龍蝦，正呀！ 蒜蓉味濃郁，再加埋秘製醬汁，好味到震~ 燒味類： 又見到晴晴至愛嘅叉燒，整番碟半肥瘦嘅先~ 粉麵類： 七彩顏色嘅麵條好吸引呀！ 咁啱見有位姨姨推住車一盅盅嘅佛跳牆出嚟，又試下先~ 個湯好好味，仲好多材料添！ 嘩！有埋鮑魚仔，但係比朗朗偷食咗....想再出去攞多盅都冇晒喇！X_x 麵包類： 啲包整得好精緻呀！ 食番個迷你菠蘿包先~ 漢堡類： 呢條隊都好長，一定係正嘢啦！ 每一round整十幾個，每人限攞一個咋！ 迷你鵝肝漢堡包，到手！ 鵝肝配漢堡包都係第一次試，新鮮熱辣又幾好味喎！ 甜品類： 晴晴已經流晒口水喇！XD 有多款唔同口味嘅芝士蛋糕 鮮果芝士批 芝士蛋撻 cupcake 當然唔少得澳門出名嘅葡撻啦！ 我唔客氣喇！hohoo~ 仲有朱古力噴泉呀！ 雪糕有6款口味 鍾意嘅仲可以加配料添！ 我哋就試咗雲呢拿+咖啡味，雪糕好軟滑，口味濃郁，總共出去攞咗兩round呀！XD 飯後果有火龍果、西柚、橙、蜜瓜、哈蜜瓜同奇異果，好多選擇！ 果汁都好多款，試咗群芳特飲同熱情果汁，前者味似菠蘿汁，後者較甜，兩隻都好飲呀！ 我哋去嘅時候餐廳做梗龍蝦主題，靜係龍蝦嘅煮法都有好多種喇！啱晒鍾意食龍蝦嘅朋友啦！除咗龍蝦，好欣賞個迷你鵝肝漢煲。佛跳牆都好令人回味，可惜只出一round，想再攞都冇喇！兩個半鐘嘅時間，係有時排隊比較耐啲，不過都總算夠時間食到飽一飽。我哋食嘅係dinner buffet，用中銀信用咭埋單有八五折優惠，不過之後先發現原來淘寶訂位仲平呀！各位精明眼可參考以下資料： 悠遊假期：https://travelitem.taobao.com/item.htm?id=529774116805 群 芳 Festiva 地址：路氹城「澳門銀河™」綜合渡假城購物大道東地下G007號舖 電話：88832221 網址：https://www.galaxymacau.com/zh-hant/macau-restaurant/restaurant-directory/international/festiva/dining-discounts/festiva-hk-cuisine 返回澳門新濠影滙之旅：http://blog.xuite.net/chinglongtin/blog/426733195