我想食西餐既高質素食物,但想食大排檔那種不拘小節既環境, 原來大排檔真係可以FUSION西餐廳, 網上見到唔少人都推介近排銅鑼灣區大熱西餐廳, 我同老公既HAPPY FRIDAY一於來試下啦, 一開電梯門就係餐廳, 己經見到餐廳最註目既大戲戲棚, 好得意啊!   星期五我早放工6點就到餐廳...當時餐廳人流唔算多, 裝修都以簡約為主, 雖然唔係走高級餐廳路線, 但我反而鐘意咁樣CASUAL D, 岩我呢D無乜儀態既女子食飯...哈哈  玻璃上面寫住<浪子推介>即係是日推介, 哈~唔係浪子可唔可以叫架? 我估餐廳係特登想製造有D大排檔源素放左係D裝修上面,  玻璃上寫字, 手寫菜單貼上玻璃, 我覺得好親切 去大排檔唔可以唔飲啤酒, 食西餐飲反杯紅白酒都是常識吧, 餐廳有好多不同餐酒可供選擇  餐廳仲有2間VIP 房, 如果一大班朋友開P一間細VIP可以坐10人左右, 大房可以坐成30人  我每次試新餐廳, 其實我都懶得唸, 如果有2人餐就叫2人餐, 見到呢個2人餐好多COURSE仲有2杯酒, GOOD~就呢個唔洗煩 ^^    海鮮拼盤一上枱...我隻眼即時大左1吋同我老公講:"嘩, 好大碟啊, 好精彩...好正啊!!" 我真係無唸過咁大份量, 而且樣樣望落都好新鮮  望落OK梗係要快快食下試下啦~ 1.聖子刺身好爽口, 吱少少檸檬提升埋佢既鮮味, 再點少少鼓油同WASABI, 嘩~真係好好味!! 2.生蠔超大隻, 好肥美, 好重海水味, 加少少檸檬汁同茄汁, 好滿足啊! 3.飽魚好彈牙, 好有口感. 4.隻蝦好大隻好鮮甜, 點佢泰式醬汁, 真係超好味 5.帶子要成隻食, 連埋杯入面D汁一齊食, 鮮味爆標, 呢個海鮮拼盤真係非常精彩啊!! 磨菇湯配黑松露油好香, 湯入面可以咬到有D小小粒磨菇, 幾有咬口, 幾CREAMY 前菜有松露煮日本年糕, 年糕好有口感, 煙煙韌韌好好味 仲有第2道前菜燒牛脷, 嘩~好大條啊, 2碟不同既前菜己經攪到我有7分飽, 厚燒牛脷燒得剛剛好, 配埋蜜糖芥辣汁好野味, 我不經不覺都食晒~哈! 主菜終於出場啦, 西班牙黑毛豬, 細心地切開左幾條, 配埋蕃薯蓉, 好健康 我係出面唔係幾鐘意食豬扒我怕會好韌, 但呢度既西班牙黑毛豬一D都唔韌, 無根, 外皮煎得有少少脆口, 我個人覺得多脂肪左DD有少少油膩, 但老公就好鐘意, 話太瘦得肉唔好食, 呢個岩岩好 我份RIB EYE來到啦~ WOOW....好靚既5成熟啊, 見到呢D粉紅色肉質, 就係我食牛扒最鐘意既顏色, 餐廳話廚師用左慢煮方法煮RIB EYE, 可以鎖住肉汁之餘, D肉又唔會韌. 一刀切落去, 果然充滿肉汁, 好有牛味, 完全無根口感一流,. 雖然我己經飽左8成, 但呢塊扒真係無呃你地, 絕對值得一試, 而家係出面要食一塊靚扒, 真係唔去STEAK HOUSE都好難食到, 但呢度呢塊RIB EYE的確令我非常驚喜, 因為真係非常好食. 慢煮食物除左可以鎖住肉汁, 仲可以保留反大部份食物入面既營養, 對我地好好多架, 所以希望個廚師繼續可以KEEP到慢煮既煮法, 等我繼續有好野食 ^^ 飽到頂點既我, 見到甜品原本想放棄, 但食一啖原來佢唔係普通芝士蛋糕, 有D橙皮係入面, 最好仲要唔係好甜, 呢餐由頭盤至到甜品, 我同老公都好滿意, 呢個HAPPY FRIDAY真HAPPY呢^^ 呢個價錢有呢個質素, 我覺得真係物有所值. 最後走既時候見到呢度連貓山王都有得賣......? 哈, 我媽媽最愛喎, 下次再來食飯時問下佢洗唔洗預訂先, 買個孝敬下媽媽都好喎 ^^   大家有任何意見或產品試用歡迎與我電郵聯絡: ppqq1437@yahoo.com.hk   歡迎Follow FansPage: www.facebook.com/1437ritaandhim 其他BLOG分享包括blogspot, Weshare, sheblog, theZtyle, beautyexchange, blogselle, mamibuy, classesweplay, esdlife, ublog, QOOZA, iTrial, openrice...等