嚟到最後一篇,主要係介紹觀瀾湖新城 MH Mall。 呢個地點都好容易去到,只要搭乘地鐵深圳地鐵4號線就可以直達觀瀾湖站,喺B、C及C2出口就去到。 商場分為一期及二期,每期各6層(地上4層,地下2層)。商場有國際知名娛樂品牌,包括橙天嘉禾影院、盛悅鼎鴻保齡球館、仲有全深圳最大冰面嘅ICE CASTLE冰堡國際溜冰俱樂部、反彈蹦床公園等。 露天廣場仲有付費電動車、機動遊戲。 香港真係冇機會見過,所以兩姊妹都好興奮~~ ^ 星光大道小火車 其他機動遊戲: 必玩!! 反彈蹦床公園,即係專門玩彈床嘅遊戲室~ 場內佔2,000平方米,有跳彈床區、彩虹繩網陣,攀岩區、蹦床籃球區、海綿池區、波波池區等。 收費: 1大1小/1小時 RMB 98起、平日成人雙人票/2小時 RMB 96起 喇叭滑梯,打卡一流~ 呢組滑梯超刺激呀!!! 仲有充氣彈床 大型嘅繩網陣~超高㗎!! 呢個滑梯,還以為好快... 點知...唔郁~停咗 (哈) 仲有波波池,好似珍侏一樣咁靚嘅波波~ 另外商場入面仲有馬術中心《騎樂馬術Joy Pony》。 商場入面,仲有大型兒童遊樂設施 (波波池)。 間中都會轉換唔同主題,所以都好有新鮮感! 超大部嘅扭蛋機!!! 鍾意購買,買精品嘅話一定要嚟二樓嘅The Green Party。 潮流興夾公仔,見到唔係唔夾呀?? (哈) 嚟到仲食咗奈雪的茶嘅泡芙生果桶及果茶。 好食、好味呀!! 商場仲有定期餵鳥時間,職員會召集鴿子飛過嚟食嘢。 兩日一夜嘅深圳東莞《觀瀾湖》遊,轉眼就完咗。 下一次再嚟,要玩埋其他未玩嘅嘢先得呀!! 去完呢次之後,兩姊妹都不停問「媽咪,幾時再去觀瀾湖呀?」 好啦,等我又計劃下一次嘅觀瀾湖遊啦~~ 記得北上之前,要先準備好電子付費嘅設備呀~ 佢哋主要收WeChat Pay, Alipay㗎。 關於觀瀾湖新城 MH Mall: https://mhcentreville.com/shenzhenmhmall/ ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel https://www.youtube.com/c/Wagyubmami ============================ 快啲加入,和牛媽媽吃喝玩樂whatsapp群! https://chat.whatsapp.com/FnjFwLAyrGW8s4BWpBOYpv 記得加入和牛媽媽最新嘅玩樂分享Group,大家仲可以一齊分享好玩、上興趣班好介紹哦~ https://www.facebook.com/groups/145854551755966