#夢幻飄雪屋 #奇幻雪屋 #歡樂天地 #九龍灣展貿 #emax #真實後感 呢間雪屋係星期五、六，日先開，歡樂天地就隨時都開嘅！88個幣一節，每節20分鐘，大小同價！ 我地完全低估咗入面嘅溫度，兩公婆仲夠膽死著住條短褲入去，好彩貝貝叫做有條7分嘅打底legging。入咗去逗留2分鐘其實我已經開始覺得好凍，對腳慢慢開始覺得凍到乾到想裂開嘅感覺，唯有踎喺度個感覺好似比較好！大家想去記得著夠褲！同埋職員有特別提示我地戴住頂帽，如果唔係個頭會濕晒！貝爸副眼鏡仲長期起住霧，我除手套拎電話影相，部電話都會濕嘅，連個口罩入面都會起水珠，去嘅話記得戴定多兩個口罩！ 場地一眼睇晒都幾細，其實無野玩，係有一條sir滑梯，但貝貝超級驚，佢好堅持啲企鵝識郁係真嘅，所以唔敢玩，死都唔肯sir，我自己sir咗一次，sir得好慢好啜嘅，sir完條褲仲好似濕晒！ 貝貝本來滿心期待黎扮Elsa，幻想住可以喺雪地奔跑，瘋狂咁轉圈let it go，但係我哋無做好資料搜集，原來去到要著場地免費提供嘅雪褸、手襪，鞋套包到實一實，入到去又原來真係好凍，仲要行兩步都好跣，佢就開始好不安，又唔敢四圍走，佢心入面應該同幻想落差好大，最後都係行行企企，踎低剷下啲雪就過咗廿分鐘！ummm…最後我有問過佢仲想唔想黎？佢擰頭！不過當一個體驗黎講都ok嘅！ ——— FB：https://fb.me/bowlpui IG：https://www.instagram.com/bowl_lam/ Blog：https://www.mamibuy.com.hk/home/18060 #貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #週末好去處 #親子活動 #飄雪