以前和牛B細個,想俾佢淺嚐雪糕。 但又唔放心俾佢食街外嘅雪糕,所以我就自己整。 而家妹妹2歲幾,想俾佢淺嚐一下。 所以,我又再次自己整雪糕俾兩姊妹食。 和牛B大個女,所以可以食朱古力味,而妹妹仲細只係俾好少佢食。 我就另外再整雲尼拿味,做雙色雪糕~ 兩姊妹都可以食~~ 而我自己整嘅雪糕食譜,係唔需要加生雞蛋。 所以幼兒、小朋友都可以食。 而且仲係好容易整,唔需要雪糕機都做得到~ 材料仲好簡單,以下會分享雲尼拿味同朱古力味雪糕嘅材料及做法~ 另外,仲拍了影片,方便大家 [ YouTube影片教學 ] 雲尼拿雪糕材料: 淡忌廉...300g 煉奶...100g 雲尼拿油...一瓶蓋 朱古力雪糕材料: 淡忌廉...300g 煉奶...65g 朱古力粉...30g 雲尼拿油...一瓶蓋 (隨個人喜好,亦可加入朱古力碎) 做法: 1. 將所有材料加入淡忌廉。 2. 用打蛋器將淡忌廉,打至杰身。 *如果係朱古力雪糕 3. 放入食物盒,冰櫃雪6-8小時,即成。 雪糕加上脆筒,真係超級正!! 兩個女都話好好食,當然啦,妹妹係淺嚐一兩啖~ ============================ 記得Follow埋我哋Facebook、MeWe同Instagram呀 https://www.facebook.com/80smami https://mewe.com/p/和牛b的成長日記 http://www.instagram.com/wagyubmami/ ============================ 和牛B & 和牛媽媽 YouTube Channel https://www.youtube.com/c/Wagyubmami ============================ 我的網店C.Mozo Store https://cmozostore.mallogram.com/zh-hk/