上個星期返幼稚園聽到校長分享嘅育兒心得幾啱聽，自己聽完都覺得幾有道理，都想分享下畀大家！   1. 開學前就應該同佢講多啲，畀多啲心理準備話畀小朋友知黎緊要返學，令佢覺得返學會令人期待，係一種樂趣！   2. 如果小朋友第一日返學，頭也不回咁入學校唔理媽咪，呢件事絕對值得放心同令人鼓舞，自己唔應該默默哀怨，表現出以下諗法「點解你唔會唔捨得我？」「點解你會咁灑脫？」「你唔掛住媽咪？」咁做只會令小朋友感到大大矛盾。   3. 避免過於空泛問小朋友返學返成點，例如「你今日返學乖唔乖呀？」「今日開唔開心呀！」「今日做過啲咩呀？」 最好具體地問有實際答案嘅野，不斷引導佢答多啲實際野先可以延展之後嘅對話，例如「你今日食唔食到喜歡嘅茶點？」「今日有無同邊個同學仔一齊完成咗啲咩呀？」   4. 即使好想了解小朋友返學做過啲咩，但唔好喺小朋友玩樂緊嘅時候chur住問，佢一定唔會答。正等如你專心做緊一樣野嘅時候，你都唔想被騷擾。   5. 想同小朋友講道理都要留意right timing，每日最佳時間係同小朋友沖緊涼或臨瞓前bedtime story嘅時候，因為佢地好難走得甩！   ————————— FB: https://fb.me/bowlpui IG: https://www.instagram.com/bowl_lam